Ringa mabviro ePawa

Muchidzidzo [[fundoyetsimba]], [[Pawa]] (Power) izwi rinodudzira kuitwa kwebasa paumwe hwe[[chiyero]] chenguva. Pawa inopimwa nechiyero chinonzi Watt kana kuti (Joules/Second). Kana takatarisa mwenje wegetsi yakanyorwa kunzi 100Watts umwe 50Watts, kureva kuti mwenje wokutanga unoshandisa simba remagetsi rakapwetwa kaviri zvichienzaniswa nemwenje wechipiri. Uye tikatora varume vaviri wokutanga asenga masaga 50 echibage pama [[hour]] 4, wepiri akasenga masaga echibage 50 pamaawa 6 - wekutanga anenge ashanda ne[[pawa]] rakakura pane wepiri.

Kushandurwa kwesimba kunogona kushandiswa kuita [[basa]] saka pawa inogonawo kurehwa sehuyero hwe[[mudida]] (rate) wekuita basa. Basa rakafanana rinogona kuitwa nemunhu anokwira masitepusi akatakura saga rehupfu zvisinei kuti amhanya kana kuti afamba here, asi pawa yakawandiswa inoshandiswa pakumhanya nekuti basa racho rinoitwa munguva ishoma kupfura kana munhu wacho akamhanya. 

== Chiyero ==
[[File:Ansel_Adams_-_National_Archives_79-AAB-02.jpg|right|thumb|250px|alt=Ansel Adams photograph of Electrical Wires of the Boulder Dam Power Units|Mufananidzo waAnsel Adams wemawaya emagetsi eBoulder Dam Power Units, 1941-1942.]]
Nzenda (dimension) yepawa isimba kugova pana nguva. Chiyerwo mu[[Sisitemu yeZviyero yePasirose|SI]] iWatt, yakatsazana neJoule rimwe pasekondi. Zvimwewo zviyero zvepawa zvinosanganisirawo [[Simbabhiza|masimbabhiza]] (horsepower), mafoot-pounds pamineti, nema[[Karori|karori]] (calorie) paawa anoshandiswa munezvekudya. Simbabhiza rimwe rakaenzana nema33 000 foot-pounds pamineti zvakaenzanawo nemawatt 746.

== Pawa mumaSisitemu eChimakanika==

Pawa mumasisitemu echimakanika (mechanical systems) isanganisiro yemafosi nehusuduruka. Chikuru, pawa maunga mhande efosi inoshanda pachinhu nemuchacha hwechinhu ichocho, kana kuti maunga mhande e[[toki]] (torque) pachiro chakaoma (rigid body) ne[[gonya muchacha]] (angular velocity) hwechiro ichocho.

Pawa mumakanika inokwanisawo kutsanangurwa setoredzero yebasa munguva (time derivative of work). Muzvemamakanika (mechanics), basa rinoitwa ne fosi '''F''' pachiro chinenge chichifamba munzira yakakombwa (curved path) ''C'' inopihwa neindegira pamutsetse (line integral):
: <math>W_C = \int_{C} \mathbf{F} \cdot \mathrm{d}\mathbf{x} = \int_{C}\mathbf{F}\cdot \mathbf{v}dt,</math> 
panova '''x''' iri nzira ''C'' ne '''v''' uri muchacha munzira iyi.  Toredzero munguva yetsazaniso yebasa inopa pawa panguva imwe se:
:<math>P(t) = \mathbf{F}\cdot \mathbf{v} .</math>

Mumasisitemu anoziririka, pawa huunga mhande hwetoki <var>τ</var> negonya muchacha <var>ω</var>,
:<math>P(t) = \mathbf{\tau} \mathbf{\omega}, \,</math>
panova <var>ω</var> inoyerwa muma redhieni pasekondi.

== Pawa muMagetsi ==

Pawa yemagetsi inopihwa kune michina kana chinhu chinoshanda nemagetsi pane nguva imwe chete inowanikwa netsazaniso inoti
:<math>
P(t) = I(t) \cdot V(t) \,
</math>

pachiva ne
*P(t) sepawa panguva imwe chete inoyerwa mumaWatts (Joules/Second),
*I(t) [[Muyerero weMagetsi]] (Current) runoyerwa nemaAmperes, 
*V(t) se[[basa paumwe hwechaji]] (Voltage) rinoyerwa nemaVolts.

Kana kamuchina kanenge kachishandiswa kari [[rizisita]] (resistor) inenge ine rheshiyo yebasa paumwe hwechaji kune [[Muyerero weMagetsi]] usingachinje, zvinotevera kuti: 
:<math>
P=I \cdot V = I^2 \cdot R = \frac{V^2}{R} \,
</math>

pane
:<math>
R = V/I \,
</math>
iriyo [[Mukweso Wemagetsi|mukweso]] hunoyerwa muma[[ohm]].
 
[[Category:Fundoyetsimba]]